خه‌ڵك‌و ھۆرامانی فه‌رھه‌نگێوه قه‌ڎیمی و به‌ریٛزشاھه‌ن.جه ڕاسینه به چنڎ شیٛوێوه ئی وشه‌و ھۆرامیه‌یه واچریوٙ. بازێ ماچا ھه‌ورامی و بازێچ ماچا ھۆرامی. به ڕه‌ڎبیه‌ی ڕوٙزگاری، زوان‌و ھۆرامی به‌كار ئامان په‌ی نویسته‌ی كتیٛبه پیروٙزه‌كا كه سه‌ربه دین و باوڕه جیاوازه‌كا بییٛنیٛ. ته‌نانه‌ت ھه‌رچنڎه جه قه‌ڎیمه‌نه جوله‌كه‌كیٛ و مه‌سیحیه‌كیٛ جه كه‌ش و كوه‌كاو ھۆرامانینه به ئاشتی ژیوێنیٛ و ته‌ئسیر‌و ئاڎیشا فه‌رھه‌نگێوه فره دوٙڵه‌مه‌نڎش جیا ئاسته‌ن په‌ی ھۆرامیه‌كا، به‌ڵام تائیسه‌یچ ھیچ ھوٙرگیٛڵیایێوه كتیٛبه پیروٙزه‌كاشا نیا به زوان‌و ھۆرامی و ھوٙرنه‌گیٛڵیان په‌ی سه‌رو زوان‌و ھۆرامی. به‌ڵام دماجار ھوٙرگیٛڵیایی ئینا ڕاوه په‌ی ئه‌وه‌ڵ جاری جه تاریٛخه‌نه. و گردو ئا كه‌سایچه كه ئیحترام‌و ئی كتیٛبا گیٛرا و گه‌ره‌كشانه چه‌نه‌شا یاوانه، به ئاسانی یاووٙ ده‌سشا. ئینه‌یچه وه‌رو ئانه‌ینه كه خوڎا گه‌ره‌كشا گردو خه‌ڵكی جه ھه‌ر زوان و فه‌رھه‌نگێوه بوٙ، گوٙششا جه ده‌نگیشۆ بوٙ پا جوٙره‌ی كه چه‌نه‌ش یاوانه.
"خوڎا به زوان‌و دڵیما قسیٛما په‌ی كه‌روٙ"
